ന്യൂഡല്‍ഹി: ഡല്‍ഹി മുനിസിപ്പല്‍ തെരഞ്ഞെടുപ്പ് രാഷ്ട്രീയ പാര്‍ട്ടികള്‍ക്ക് കടുത്ത വെല്ലുവിളി. തലസ്ഥാന നഗരി നേരിടുന്ന ഏറ്റവും വലിയ വെല്ലുവിളിയാണ് മാലിന്യ പ്രശ്‌നമെന്നത്. ഇത് അനുയോജ്യമായി സംസ്‌കരിക്കുകയെന്നതാണ് ഇന്ന് ഡല്‍ഹി നേരിടുന്ന ഏറ്റവും വലിയ വെല്ലുവിളി. പലരും പലതരത്തില്‍ തങ്ങളുടെ പരിഹാര മാര്‍ഗങ്ങള്‍ വ്യക്തമാക്കുന്നുണ്ടെങ്കിലും ആരുടെ നിലപാടിന് മുന്‍തൂക്കം ലഭിക്കുമെന്നതാണ് ഇപ്പോള്‍ ഉയരുന്ന പ്രശ്‌നം. ഇക്കാര്യത്തില്‍ തങ്ങള്‍ വിജയിച്ചാല്‍ ശാശ്വത പരിഹാരമുണ്ടാക്കുമെന്ന അവകാശവാദം ബി.ജെ.പി നേതാവ് മനോജ് തിവാരി പറയുന്നുണ്ടെങ്കിലും മുനിസിപ്പാലിറ്റിയില്‍ കഴിഞ്ഞ പത്തുവര്‍ഷക്കാലം ഭരണം കൈയാളിയിട്ടും ബി.ജെ.പിക്ക് ഒന്നും ചെയ്യാനായില്ലെന്നത് അവരുടെ പരാജയമാണെന്ന് കോണ്‍ഗ്രസ് നേതാവും മുന്‍ ഡല്‍ഹി മുഖ്യമന്ത്രിയുമായ ഷീല ദീക്ഷിത് പറഞ്ഞു.