കൊട്ടിയം(കൊല്ലം): എഴുപത്തഞ്ചുകാരിയെ പീഡിപ്പിക്കാന്‍ ശ്രമിച്ച യുവാവിനെ കൊട്ടിയം പൊലിസ് അറസ്റ്റ് ചെയ്തു. മുഖത്തല കുറുമണ്ണ പാങ്കോണത്ത് വീട്ടില്‍ സാബു (28) ആണ് അറസ്റ്റിലായത്. ഇയാള്‍ നേരത്തെ രണ്ട് വധശ്രമ കേസുകളിലെ പ്രതിയാണ്.
തിങ്കളാഴ്ച വൈകിട്ട് നാലരയോടെയായിരുന്നു സംഭവം. വ യോധിക ഇവരുടെ വീടിനോട് ചേര്‍ന്ന ശുചിമുറിയില്‍ കയറിയ സമയം മതില്‍ ചാടിയെത്തിയ യുവാവ് ഇവരെ ബലമായി കീഴ്‌പ്പെടുത്തുകയും പീഡിപ്പിക്കാന്‍ ശ്രമിക്കുകയുമായിരുന്നു. നിലവിളിക്കാതിരിക്കാന്‍ വായ പൊത്തിപ്പിടിച്ചിരുന്നു. യുവാവിന്റെ കൈ തട്ടിമാറ്റി നിലവിളിച്ചതോടെ പ്രദേശവാസികള്‍ ഓടിക്കൂടി. ഓടിരക്ഷപ്പെടാന്‍ ശ്രമിക്കുന്നതിനിടെ നിലത്തുവീണ യുവാവിനെ നാട്ടുകാര്‍ പിടികൂടി പൊലിസില്‍ ഏല്‍പ്പിക്കുകയായിരുന്നു. വയോധികയുടെ രഹസ്യമൊഴി മജിസ്‌ട്രേറ്റ് രേഖപ്പെടുത്തി.