തിരുവനന്തപുരം: പ്രസ്‌ക്ലബ് ജേണലിസം ഇന്‍സ്റ്റിറ്റ്യൂട്ടിന്റെ സുവര്‍ണ ജൂബിലിയോടനുബന്ധിച്ച് ഏപ്രില്‍ അഞ്ച് മുതല്‍ കനകക്കുന്നില്‍ നടക്കുന്ന കനകോത്സവം അഖിലേന്ത്യാ മീഡിയ, നേച്ചര്‍ എക്‌സിബിഷന്റെ ഭാഗമായി ഓള്‍ ഇന്ത്യ ഫോട്ടോഗ്രഫി മത്സരം സംഘടിപ്പിക്കുന്നു. പ്രശസ്ത ഫോട്ടോഗ്രാഫര്‍മാരായിരുന്ന എസ്.എസ് റാം, എസ്. ഹരിശങ്കര്‍ എന്നിവരുടെ സ്മരണാര്‍ഥമാണ് ഫോട്ടോഗ്രഫി അവാര്‍ഡ് നല്‍കുന്നത്. 2018 ജനുവരി ഒന്നിനും ഡിസംബര്‍ 31നും ഇടയ്ക്ക് പ്രസിദ്ധീകരിച്ച ചിത്രമാണ് പരിഗണിക്കുക. ഒരാള്‍ക്ക് മൂന്ന് ചിത്രങ്ങള്‍ അയയ്ക്കാം. അപേക്ഷാഫോറം സലൃമഹമുൃലരൈഹൗയ.രീാ എന്ന വെബ്‌സൈറ്റില്‍ ലഭ്യമാണ്. ഫോട്ടോ ക്യാപ്ഷന്‍, പത്രസ്ഥാപന മേധാവിയുടെ സാക്ഷ്യപത്രം എന്നിവ സഹിതം ുൃലുൈവീീേരീിലേേെ@ഴാമശഹ.രീാ ലേക്ക് എന്‍ട്രികള്‍ അയയ്ക്കണം. ഒരുലക്ഷം രൂപയാണ് സമ്മാനത്തുക. 20വരെ എന്‍ട്രികള്‍ സമര്‍പ്പിക്കാം.