ലണ്ടന്‍: ഇംഗ്ലീഷ് ര@ണ്ടാം ഡിവിഷന്‍ ക്ലബായ വെസ്റ്റ് ബ്രോമില്‍ നിന്ന് പരിശീലകനായ ഡാരന്‍ മൂറയെ പുറത്താക്കി. ക്ലബ് ലീഗില്‍ ഇപ്പോഴും നാലാം സ്ഥാനത്ത് ഇരിക്കുന്ന അവസരത്തിലാണ് മൂറെയെ പുറത്താക്കിയത്. അവസാന മൂന്ന് മത്സരങ്ങളില്‍ വിജയം ഇല്ലാത്തതാണ് ക്ലബ് മാനേജ്‌മെന്റിനെ ഈ തീരുമാനത്തില്‍ എത്തിച്ചത്.പ്രീമിയര്‍ ലീഗ് പ്രൊമോഷനാണ് തങ്ങള്‍ ലക്ഷ്യംവയ്ക്കുന്നത് എന്നും അതിനാല്‍ കടുത്ത തീരുമാനങ്ങള്‍ എടുത്തേ പറ്റൂ എന്നും ക്ലബ് പറഞ്ഞു. ഇപ്പോള്‍ ചാംപ്യന്‍ഷിപ്പില്‍ നാലാമതാണ് വെസ്റ്റ് ബ്രോം ഉള്ളത്. ആദ്യ ആറു സ്ഥാനങ്ങളില്‍ ഉള്ളവര്‍ക്ക് പ്രൊമോഷന്‍ പ്ലേ ഓഫ് കളിക്കാം എന്ന അവസ്ഥ ഉണ്ടെ@ന്നിരിക്കെ മൂറെയെ പുറത്താക്കിയത് ആരാധകരെയും ഞെട്ടിച്ചിരിക്കുകയാണ്. മൂറെയ്ക്ക് പകരക്കാരനെ ഇതുവരെ ക്ലബ് പ്രഖ്യാപിച്ചിട്ടില്ല.