കല്‍പ്പറ്റ: എം.എസ്.എഫ് ജില്ലാ കമ്മിറ്റിയുടെ നേതൃത്വത്തില്‍ ജില്ലയിലെ വിദ്യാര്‍ഥികളുടെ കലാ മത്സരം 'മാറ്റ് കലോത്സവം 2017' എന്ന പേരില്‍ ഈ മാസം 21, 22, 23 തിയതികളില്‍ പിണങ്ങോട് ഹയര്‍സെക്കന്‍ഡറി സ്‌കൂളില്‍ നടക്കും.ജില്ലയിലെ ഹൈസ്‌കൂര്‍, ഹയര്‍ സെക്കന്‍ഡറി, കോളജ് വിദ്യാര്‍ഥികള്‍ക്കായി വ്യക്തിഗത, ഗ്രൂപ്പിനങ്ങളിലായി 35 ഇനങ്ങളില്‍ മത്സരാര്‍ഥികള്‍ മാറ്റുരക്കും.
സാമൂഹ്യ പ്രതിബദ്ധതയുള്ള കലാകാരന്‍മാരെ വാര്‍ത്തെടുക്കുകയെന്ന ലക്ഷ്യത്തിലാണ് പരിപാടി. പങ്കെടുക്കാന്‍ താല്‍പര്യമുള്ള മത്സരാര്‍ഥികള്‍ 16നകം ജില്ലാ കമ്മിറ്റിയെ അറിയിക്കണം. മത്സരാര്‍ഥിയുടെ പേര്, പങ്കെടുക്കാനുദ്ദേശിക്കുന്ന ഇനം, ഫോണ്‍ നമ്പര്‍, പഞ്ചായത്ത്, പഠിക്കുന്ന സ്ഥാപനം എന്നി വിവരങ്ങള്‍ പ്രസിഡന്റ്, സെക്രട്ടറി, എം.എസ്.എഫ് വയനാട് ജില്ലാ കമ്മിറ്റി, ലീഗ് ഹൗസ് കല്‍പ്പറ്റ എന്ന വിലാസത്തിലോ 9995210516 എന്ന നമ്പറില്‍ വാട്ട്‌സ് ആപ്പ് വഴിയോ അയക്കാം. ഫോണ്‍: 9562144981, 9562102621.