തൃശൂര്‍: സംസ്ഥാനത്ത് മികച്ച രീതിയില്‍ നടക്കുന്ന കൊവിഡ് പ്രതിരോധപ്രവര്‍ത്തനങ്ങളെ പ്രതിപക്ഷം അട്ടിമറിക്കാന്‍ ശ്രമിക്കുകയാണെന്ന് എല്‍.ഡി.എഫ് കണ്‍വീനര്‍ എ. വിജയരാഘവന്‍ വാര്‍ത്താസമ്മേളനത്തില്‍ ആരോപിച്ചു. കേരളത്തിലെ കേന്ദ്രമന്ത്രി പ്രതിപക്ഷത്തിന് സഹായകമാവുംവിധം അപക്വമായ പ്രസ്താവനകളാണിറക്കുന്നത്.വാളയാറില്‍ പോയ എം.പിമാരും എം.എല്‍.എമാരും ക്വാറന്റൈനില്‍ പോകണമെന്നത് മെഡിക്കല്‍ ബോര്‍ഡിന്റെ തീരുമാനമാണ്. അതില്‍ രാഷ്ട്രീയമില്ലെന്നും ചോദ്യങ്ങള്‍ക്ക് മറുപടിയായി അദ്ദേഹം പറഞ്ഞു.