കണിയാമ്പറ്റ: ചീക്കല്ലൂര്‍ ദര്‍ശന ലൈബ്രറിയും കണിയാമ്പറ്റ ഗവ. ഹയര്‍ സെക്കന്‍ഡറി സ്‌കൂളിലെ സാഹിത്യ കൂട്ടായ്മയായ അക്ഷര വേദിയും ചേര്‍ന്ന് വായനക്ക് പ്രോത്സാഹനമായി പുസ്തക കൈമാറ്റം നടത്തി.
വിദ്യാര്‍ഥികള്‍, അധ്യാപകര്‍, ലൈബ്രറി പ്രവര്‍ത്തകര്‍ എന്നിവര്‍ പങ്കെടുത്തു. പരിപാടിയില്‍ പങ്കാളികളായവര്‍ ഓരോരുത്തരും വായിച്ച ്ഇഷ്ടപ്പെട്ട പുസ്തകം മറ്റൊരാള്‍ക്ക് കൈമാറി. എം.കെ ഉഷാദേവി ഉദ്ഘാടനം ചെയ്തു. എം .ദേവകുമാര്‍ അധ്യക്ഷനായി. എം. ശിവന്‍പിള്ള, രാജു ജോസഫ്, പി.ജി സുജാ കുമാരി, നിശ്ചല എ.വൈഋതിക്, ശ്രീധര്‍ ഷീബ എസ് എന്നിവര്‍ സംസാരിച്ചു. പരിപാടിയില്‍ ഷാജി പുല്‍പ്പള്ളി സ്വാഗതവും വിനായക് എസ്. പ്രസാദ് നന്ദിയും പറഞ്ഞു.