ചീരാല്‍: ഗവ. മോഡല്‍ ഹയര്‍സെക്കന്‍ഡറി സ്‌കൂള്‍ നാഷണല്‍ സര്‍വിസ് സ്‌കീം യൂനിറ്റിന്റെ നേതൃത്വത്തില്‍ നിര്‍ധനരായ ക്യാന്‍സര്‍ രോഗികളെ സഹായിക്കുന്നതിനായി 'താങ്ങായി തണലായി സ്‌നേഹസമ്മാനം' എന്ന പേരില്‍ ഭക്ഷണകിറ്റുകള്‍ വിതരണം ചെയ്തു.
വിവിധ പ്രവര്‍ത്തനങ്ങളിലൂടെ വിദ്യാര്‍ഥികള്‍ സ്വരൂപിച്ച പണമാണ് ഇതിനായി ഉപയോഗിച്ചത്. ജില്ലാ പഞ്ചായത്ത് ചീരാല്‍ ഡിവിഷന്‍ അംഗം ബിന്ദു മനോജ് ഉദ്ഘാടനം ചെയ്തു. പി.ടി.എ പ്രസിഡന്റ് കെ.വി ശശി അധ്യക്ഷനായി.
വിവിധ രോഗികള്‍ക്കുള്ള കിറ്റുകള്‍ പ്രിന്‍സിപ്പല്‍ ഇന്‍ചാര്‍ജ്ജ് പി.എ അബ്ദുള്‍ നാസര്‍, ഹെഡ്മാസ്റ്റര്‍ എന്‍.ടി ജോണ്‍, ദ്വാരക ഹയര്‍സെക്കന്‍ഡറി സ്‌കൂള്‍ അധ്യാപകന്‍ എന്‍.ഐ യേശുദാസ്, എന്‍.എസ്.എസ് പ്രോഗ്രാം ഓഫീസര്‍ ആഗ്നസ് സാം വര്‍ഗ്ഗീസ് വിതരണം ചെയ്തു.
ഭക്ഷണകിറ്റുകള്‍ രോഗികളുടെ വീടുകളിലെത്തിക്കുന്നതിന് ചീരാല്‍ പ്രൈമറി ഹെല്‍ത്ത് സെന്റര്‍ ഹെല്‍ത്ത് ഇന്‍സ്‌പെക്ടര്‍ പി.ഐ നവാസ് നേതൃത്വം നല്‍കി. എ ഷറഫിയ, എം.ജെ മാസ്റ്റര്‍ ജെസ്റ്റിന്‍ സംസാരിച്ചു.