പാരിപ്പള്ളി: രാവും പകലും തെരുവ് വിളക്കുകള്‍ പ്രകാശിപ്പിച്ച് വൈദ്യുതി പാഴാക്കുന്ന കെ.എസ്.ഇ.ബി അധികൃതരുടെ നടപടിയില്‍ പ്രതിഷേധം ശക്തമാവുന്നു. പാരിപ്പള്ളി വൈദ്യുത ബോര്‍ഡ് സെക്ഷന്‍ ഓഫിസിന്റെ പരിധിയിലെ തെരുവ് വിളക്കുകളാണ് രാപകല്‍ വ്യത്യാസമില്ലാതെ ആഴ്ചകളായി പ്രകാശിക്കുന്നത്. കല്ലുവാതുക്കല്‍ പഞ്ചായത്തിലെ കോട്ടക്കോറം വാര്‍ഡിലെ തെരുവ് വിളക്കുകളാണ് ജീവനക്കാരുടെ അനാസ്ഥമൂലം കത്തിക്കൊണ്ടിരിക്കുന്നത്. മറ്റ് വാര്‍ഡുകളിലും ഇതാണ് സ്ഥിതിയെന്നും ഇക്കാര്യം നിരവധി തവണ അസിസ്റ്റന്റ് എന്‍ജിനീയറെയും എക്‌സിക്യൂട്ടിവ് എന്‍ജിനീയറെയും അറിയിച്ചെങ്കിലും നടപടി ഉണ്ടായില്ലെന്നും അനാസ്ഥയ്‌ക്കെതിരേ പ്രക്ഷോഭം സംഘടിപ്പിക്കുമെന്നും വാര്‍ഡംഗം അഡ്വ. സിമ്മിലാല്‍ പറഞ്ഞു.