ശ്രീനഗര്‍: ജമ്മുകശ്മിരില്‍ ഭീകരവാദികളും സുരക്ഷാസേനയും തമ്മിലുണ്ടായ ഏറ്റുമുട്ടലില്‍ ഒരു ജവാന് വീരമൃത്യു. ദോഡ ജില്ലയിലെ വനമേഖലയില്‍ ഇന്നലെ പുലര്‍ച്ചെയാണ് ഏറ്റുമുട്ടല്‍ നടന്നത്. സംഭവത്തില്‍ രണ്ട് ഹിസ്ബുല്‍ മുജാഹിദീന്‍ ഭീകരവാദികളെ സുരക്ഷാസേന വധിച്ചു.
പ്രദേശത്ത് ഭീകരവാദികള്‍ ഒളിച്ചിരിക്കുന്നുവെന്ന രഹസ്യവിവരത്തെ തുടര്‍ന്ന് 10 രാഷ്ട്രീയ റൈഫിള്‍സ് (രജപുത് റജിമെന്റ്), സി.ആര്‍.പി.എഫ്, ദോഡ പൊലിസ് എന്നിവരുടെ സംയുക്തസംഘം ശനിയാഴ്ച നടത്തിയ തിരച്ചിലിനൊടുവിലാണ് ഭീകരവാദികളെ നേരിട്ടത്. ഏറ്റുമുട്ടല്‍ രാത്രിയും തുടരുകയാണ്. ഹിസ്ബ് കമാന്‍ഡര്‍ റിയാസ് നായികുവിനെ വധിച്ച ശേഷം 22കാരനായ റാഖിബ് ആലം എന്നയാളെയും മെയ് ഏഴിന് പൊലിസ് അറസ്റ്റ് ചെയ്തിരുന്നു.