മേലുകാവ്: മേലുകാവ് ഗ്രാമപഞ്ചായത്തിലെ ഐ.എസ്.ഒ 9001: 2015 സര്‍ട്ടിഫിക്കേഷന്‍ പ്രഖ്യാപനവും ഓപ്പണ്‍ സ്റ്റേജിന്റെ ഉദ്ഘാടനവും വെള്ളിയാഴ്ച നാലിന് മേലുകാവ് ഗ്രാമ പഞ്ചായത്ത് ഓപ്പണ്‍ സ്റ്റേജില്‍ വച്ച് തദ്ദേശ സ്വയംഭരണ വകുപ്പ് മന്ത്രി ഡോ. കെ.ടി ജലീല്‍ നിര്‍വഹിക്കും. കെ.എം മാണി എം.എല്‍.എ അധ്യക്ഷനാകും. സ്‌നേഹ വീടിന്റെ ആദ്യഗഡു വിതരണം ജോസ് കെ.മാണി എം.പിയും, ലൈഫ്മിഷന്‍ - പൂര്‍ത്തിയായ വീടുകളുടെ താക്കോല്‍ ദാനം ബ്ലോക്ക് പ്രസിഡന്റ് ആര്‍.പ്രേം ജിയും, ഗ്രീന്‍ പ്രോട്ടോക്കോള്‍ പ്രഖ്യാപനം പഞ്ചായത്ത് ഡെപ്യൂട്ടി ഡയറക്ടര്‍ സലിം ഗോപാലും നിര്‍വഹിക്കും. ജില്ലാ പഞ്ചായത്ത് മെംമ്പര്‍ ലിസി സെബാസ്റ്റ്യന്‍, പഞ്ചായത്ത് പ്രസിഡന്റ് ഷീബാ മോള്‍ ജോസഫ്, സര്‍വിസ് സഹകരണ ബാങ്ക് പ്രസിഡന്റ് അനുരാഗ് കെ.ആര്‍ എന്നിവര്‍ പ്രസംഗിക്കും.