മാള: മാരേക്കാട് ഹമദാനി ഇസ്‌ലാമിക് സെന്ററിന്റെ പതിനേഴാം വാര്‍ഷികാഘോഷങ്ങള്‍ക്ക് തുടക്കം.  
ശൈഖ് ഹമദാനിയുടെ നാമദേയത്തില്‍ സ്ഥാപിക്കപ്പെട്ട മാരേക്കാട് ഹമദാനി  ഇസ്‌ലാമിക് സെന്ററിന്റെ കീഴില്‍ വിശ്വാസ ആദര്‍ശ പ്രചരണത്തോടൊപ്പം കാരുണ്യ സേവന പ്രവര്‍ത്തനങ്ങളും നടത്തി വരുന്നുണ്ട്. മൂന്ന്  ദിവസം  നീണ്ട് നില്‍ക്കുന്ന പതിനേഴാം വാര്‍ഷികാഘോഷത്തിന് തുടക്കം കുറിച്ച് പാണക്കാട് റഷീദലി ഷിഹാബ്  തങ്ങള്‍  ഹമദാനി  ഇസ്‌ലാമിക്  സെന്റര്‍  അങ്കണത്തില്‍  പതാക  ഉയര്‍ത്തി. ഇന്ന് വൈകിട്ട് 8.30 ന് നടക്കുന്ന ഉദ്ഘാടന സമ്മേളനം സമസ്ത കേന്ദ്ര മുശാവറ അംഗം സയ്യിദ്  മുഹമ്മദ്  കോയ ബാഅലവി തങ്ങള്‍ ഉദ്ഘാടനം ചെയ്യും . .എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് അഡ്വ. ഓണമ്പിള്ളി മുഹമ്മദ്  ഫൈസി  മുഖ്യപ്രഭാഷണം  നടത്തും. എച്ച്.ഐ.സി രക്ഷാധികാരി അമ്മുണ്ണി ഹാജി  അധ്യക്ഷനാകും .