എടച്ചേരി: സര്‍വിസില്‍നിന്ന് വിരമിക്കുന്ന എടച്ചേരി പൊലിസ് സ്റ്റേഷനിലെ സബ് ഇന്‍സ്‌പെക്ടര്‍ കെ. പ്രതീപ് കുമാറിന് യാത്രയയപ്പ് നല്‍കി. എടച്ചേരി തണല്‍ അഗതിമന്ദിരത്തില്‍ വച്ചാണ് യാത്രയയപ്പ് നടന്നത്.
സഹപ്രവര്‍ത്തകരായ പൊലിസുകാരോടൊപ്പം എസ്.ഐ പ്രതീപ് കുമാര്‍ നേരത്തെ തന്നെ അഗതിമന്ദിരത്തിലെത്തിയിരുന്നു. ഇതാദ്യമായാണ് തങ്ങളുടെ അഗതിമന്ദിരത്തില്‍ ഇത്രയധികം പൊലിസുകാരെ കാണുന്നതെന്ന് തണല്‍ അന്തേവാസികള്‍ പറഞ്ഞു. ആദ്യമൊന്ന് അമ്പരന്നെങ്കിലും പിന്നീട് അവരും പൊലിസുകാരോടൊപ്പം സ്‌നേഹം പങ്കിട്ടു. യാത്രയയപ്പു ചടങ്ങില്‍ അവര്‍ വിവിധ കലാപരിപാടികളും അവതരിപ്പിച്ചു.
വടകര ഡിവൈ.എസ്.പി സന്തോഷ് ഉദ്ഘാടനം ചെയ്തു. എസ്.എച്ച്.ഒ എം. സുനില്‍ അധ്യക്ഷനായി. കെ.ടി പ്രകാശന്‍, എസ്.ഐ ബാലന്‍. എ.എസ്.ഐ ജയരാജന്‍, എം.എം സുദര്‍ശനകുമാര്‍, മധു കറുപ്പത്ത്, എം. നാസര്‍, തണല്‍ മാനേജര്‍ ഇല്യാസ് സം സാരിച്ചു.