പരപ്പനങ്ങാടി: മര്‍ച്ചന്റ് അസോസിയേഷന്‍ യൂത്ത് വിങിന്റെ നേതൃത്വത്തില്‍ 150 ദിവസം നീണ്ടുനില്‍ക്കുന്ന പരപ്പനങ്ങാടി ഷോപ്പിങ് ഫെസ്റ്റിവല്‍-2017 ആരംഭിച്ചു. പരപ്പനങ്ങാടി പൊലിസ് സബ് ഇന്‍സ്‌പെക്ടര്‍ ഷമീര്‍ ഉദ്ഘാടനം ചെയ്തു. യൂത്ത് വിങ് പ്രസിഡന്റ് സ്റ്റാര്‍ മുനീര്‍ അധ്യക്ഷനായി.
മര്‍ച്ചന്റ് അസോസിയേഷന്‍ വൈസ് പ്രസിഡന്റ് ജന്നാത്ത് അഷ്‌റഫിന് ആദ്യ സമ്മാനകൂപ്പണ്‍ എസ്.ഐ നല്‍കി. പദ്ധതി വിശദീകരണം മര്‍ച്ചന്റ് അസോസിയേഷന്‍ ജനറല്‍ സിക്രട്ടറി എ.വി വിനോദ് കുമാര്‍ നിര്‍വഹിച്ചു. രണ്ടാഴ്ച ഇടവിട്ടെടുക്കുന്ന നറുക്കെടുപ്പില്‍ സമ്മാനങ്ങള്‍ നല്‍കും.