തിരുവനന്തപുരം: സംസ്ഥാനത്ത് മദ്യവിതരണത്തിനായുള്ള ഓണ്‍ലൈന്‍ ആപ്പിന് ബെവ് ക്യു(bev q) എന്ന് പേരിട്ടു. കൊച്ചി ആസ്ഥാനമായ സ്ഥാപനമാണ് ആപ്ലിക്കേഷന് പിന്നില്‍. ആപ്ലിക്കേഷന്‍ പ്ലേ സ്‌റ്റോറില്‍ അപ്‌ഡേറ്റ് ചെയ്യന്ന പ്രവര്‍ത്തികള്‍ നടക്കുകയാണ്.ഇത് പൂര്‍ത്തിയാകുന്നതോടെ പ്ലേസ്റ്റോര്‍ വഴി ആവശ്യക്കാര്‍ക്ക് ഡൗണ്‍ലോഡ് ചെയ്‌തെടുക്കാനാവും.

നാളെയും മറ്റന്നാളുമായി ട്രയല്‍ റണ്‍ പൂര്‍ത്തിയാക്കിയ ശേഷം ശനിയാഴ്ചയോടെ മദ്യവില്‍പ്പന തുടങ്ങാനാകുമെന്നാണ് എക്‌സൈസ് തീരുമാനം.അതേ സമയം ജി.പി.എസ് സംവിധാനം ഉപയോഗപ്പെടുത്തിയാണ് ആപ്പിന്റെ പ്രവര്‍ത്തനം. ആപ്പ് വഴി ബുക്ക് ചെയ്യുമ്പോള്‍ ഉപയോക്താക്കള്‍ക്ക് മദ്യം വാങ്ങാനുള്ള ടോക്കണ്‍ ലഭിക്കും. ടോക്കണ്‍ പ്രകാരം ഉപഭോക്താക്കളുടെ ഏറ്റവും അടുത്തുള്ള ബീവറേജ് കോര്‍പറേഷന്‍ ഔട്ടലറ്റുകള്‍,കണ്‍സ്യൂമര്‍ഫെഡ്, ബിയര്‍ ആന്‍ഡ് വൈന്‍ പാര്‍ലറുകള്‍ എന്നിവ വഴി മൂന്നു ലിറ്റര്‍ മദ്യം വരെ ലഭിക്കും.

എന്നാല്‍ ബാറുകളില്‍ ഇരുന്ന് മദ്യപിക്കാന്‍ അനുവാമില്ല. മദ്യ വാങ്ങാനെത്തുന്നവര്‍ സാമൂഹിക അകലം പാലിക്കുകയും മാസ്‌ക് ധരിക്കുകയും വേണം.