നിലമ്പൂര്‍: മാനവേദന്‍ എച്ച്.എസ്.എസിനോട് ചേര്‍ന്ന് അനുവദിച്ച ഗവ.കോളജ് തുടങ്ങുന്നതിന് നടപടികള്‍ക്ക് സര്‍വകക്ഷി യോഗം വിളിക്കാന്‍ നഗരസഭ കൗണ്‍സില്‍ തീരുമാനിച്ചു. ഈ മാസാവസാനമായിരിക്കും എം.പിമാര്‍, എം.എല്‍.എമാര്‍, മറ്റു ജനപ്രതിനിധികള്‍ എന്നിവരെ ഉള്‍പ്പെടുത്തി യോഗം വിളിക്കുക.
കോളജ് സംരക്ഷണ സമിതി ഹൈക്കോടതിയില്‍ നിന്നും കോളജ് തുടങ്ങുന്നതിന് അനുമതിവാങ്ങിയ സാഹചര്യത്തിലാണ് നഗരസഭയുടെ തീരുമാനം.
സ്‌പെഷ്യല്‍ ഓഫിസറെ നിയമിക്കുകയും കെട്ടിടവും ഫര്‍ണിച്ചര്‍ തുടങ്ങിയ അടിസ്ഥാന സൗകര്യങ്ങള്‍ ഒരുക്കാനും തീരുമാനമായി.