നിലമ്പൂര്‍: നമ്പൂരിപ്പൊട്ടി  മതില്‍മൂല കാഞ്ഞിരപ്പുഴയില്‍ ചെകുത്താന്‍ കുണ്ടിന് സമീപം 50 ലിറ്റര്‍ വാഷ് എക്‌സൈസ് സംഘം കണ്ടെത്തി നശിപ്പിച്ചു. ആഘോഷങ്ങള്‍ക്ക് മുന്നോടിയായി പ്രിവന്റീവ് ഓഫീസര്‍ ബിജു പി.എബ്രഹാമിന്റെ നേതൃത്വത്തില്‍ ചാലിയാര്‍ പഞ്ചായത്തിലെ വനമേഖലകളില്‍ നടത്തിയ റെയ്ഡിനിടെയാണ്  ബാരലില്‍ സൂക്ഷിച്ച വാഷ് കണ്ടെത്തിയത്.
മേഖലയില്‍ ബിവറേജസ് ഇല്ലാതായതോടെ വ്യാജ ചാരായ നിര്‍മാണത്തിന് ഒരുക്കിയതാണെന്ന് കരുതുന്നു. സിഇഒമാരായ ഇ.ടി.ജയാനന്ദന്‍, കെ.കെ.ഗോപിനാഥന്‍, സി.സുഭാഷ്, രാജന്‍ നെല്ലായി, പ്രദീപ് കുമാര്‍ എന്നിവരും റെയ്ഡ് സംഘത്തിലുണ്ടായിരുന്നു.