കണ്ണൂര്‍: മാധവറാവു സിന്ധ്യ ചാരിറ്റബിള്‍ ട്രസ്റ്റും ദയാ ചാരിറ്റബിള്‍ ട്രസ്റ്റും സംയുക്തമായി ഏപ്രില്‍ 23 മുതല്‍ 29 വരെ കണ്ണൂരില്‍ സംഘടിപ്പിക്കുന്ന അഖിലേന്ത്യാ വെറ്ററന്‍സ് ഫുട്‌ബോള്‍ ടൂര്‍ണമെന്റ് ലോഗോ പ്രകാശനം നടന്നു.
 തളാപ്പ് സംഗീത കലാക്ഷേത്രത്തില്‍ നടന്ന ചടങ്ങില്‍ സംഘാടകസമിതി ചെയര്‍മാന്‍ എന്‍ കെ സൂരജ് മുന്‍ ഇന്ത്യന്‍ ജൂനിയര്‍ താരം കെ.ടി രഞ്ജിത്തിനു നല്‍കി നിര്‍വഹിച്ചു. ജനറല്‍ കണ്‍വീനര്‍ കെ പ്രമോദ് അധ്യക്ഷനായി.  
സി.വി സുനില്‍, കൗണ്‍സിലര്‍ സി.കെ വിനോദ്, കൂക്കിരി രാജേഷ്, കല്ലിക്കോടന്‍ രാഗേഷ്, ഒ രഘൂത്തമന്‍, ഷറഫുദ്ദീന്‍ കാട്ടാമ്പള്ളി, എന്‍ കെ ശ്രീജിത്ത്, കെ പി ജോഷില്‍   സംസാരിച്ചു. ആദ്യകാല ഇന്ത്യന്‍ താരങ്ങളുള്‍പ്പെടുന്ന വിവിധ സംസ്ഥാനങ്ങളില്‍ നിന്നുള്ള ടീമുകളാണ് ടൂര്‍ണമെന്റിനെത്തുന്നത്.