ആലപ്പുഴ: അമ്പലപ്പുഴ താലൂക്കിലെ പഞ്ചായത്തുകളിലെ റേഷന്‍ കാര്‍ഡുടമകളുടെ റേഷന്‍ കാര്‍ഡ് സംബന്ധമായ (ബി.പി.എല്‍ ആക്കുന്നതിനുള്ള അപേക്ഷ ഒഴികെ) എല്ലാ അപേക്ഷകളും രാവിലെ 10 മുതല്‍ വൈകിട്ട് നാലു വരെ അതത് പഞ്ചായത്ത് കമ്മ്യൂണിറ്റി ഹാളുകളില്‍ സ്വീകരിക്കും.
അപേക്ഷകര്‍ ബന്ധപ്പെട്ട രേഖകളുടെ അസല്‍ പകര്‍പ്പുകള്‍ സഹിതം അപേക്ഷ നല്‍കണം. എല്ലാ അപേക്ഷാ ഫാറങ്ങളും www.civilsupplieskerala.gov.in എന്ന വെബ്‌പോര്‍ട്ടലില്‍ ലഭ്യമാണ്. അമ്പലപ്പുഴ തെക്ക് ഗ്രാമപഞ്ചായത്തിലെ അപേക്ഷ ജൂണ്‍ 27നും, അമ്പലപ്പുഴ വടക്ക് ഗ്രാമപഞ്ചായത്തിലെ ജൂണ്‍ 28നും പുന്നപ്ര വടക്ക് ഗ്രാമപഞ്ചായത്തിലെ ജൂണ്‍ 30നും ആര്യാട് ഗ്രാമപഞ്ചായത്തിലെ ജൂലൈ രണ്ടിനും, മണ്ണഞ്ചേരി ഗ്രാമപഞ്ചായത്തിലെ ജൂലൈ മൂന്നിനും, മാരാരിക്കുളം തെക്ക് ഗ്രാമപഞ്ചായത്തിലെ ജൂലൈ നാലിനും സ്വീകരിക്കും.