തളിപ്പറമ്പ്: സി.പി.എം മോറാഴ ലോക്കല്‍ കമ്മറ്റിക്കു വേണ്ടി മോറാഴ സെന്‍ട്രലില്‍ നിര്‍മിച്ച അഴീക്കോടന്‍ മന്ദിരം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. വിഷ്ണുവിന്റെ വിഷയത്തില്‍ സര്‍ക്കാര്‍ നിലപാടുകളാണ് ശരിയെന്നു അദ്ദേഹം കൂട്ടിച്ചേര്‍ത്തു. എം.വി ഗോവിന്ദന്‍ അധ്യക്ഷനായി. പി. ജയരാജന്‍ ഫോട്ടോ അനാഛാദനവും ജയിംസ്മാത്യു എം.എല്‍.എ ഉപഹാര വിതരണവും നടത്തി. നവീകരിച്ച് പുനസ്ഥാപിച്ച അഴീക്കോടന്‍ പ്രതിമയില്‍ പിണറായി അഭിവാദ്യമര്‍പ്പിച്ചു. അഴീക്കോടന്‍ രാഘവന്റെ പത്‌നി മീനാക്ഷിയും കുടുംബാംഗങ്ങളും സംബന്ധിച്ചു. കെ. കുഞ്ഞപ്പ, പി.കെ ശ്യാമള, പി. മുകുന്ദന്‍, കെ. ഗണേശന്‍, എ.വി ബാബു, പണ്ടാരി ബാലന്‍ സംസാരിച്ചു.