കൊച്ചി: കേരളത്തില്‍ നിന്ന് യാത്രക്കാരുമായി ജമ്മുവിലേക്ക് പ്രത്യേക ട്രെയിന്‍ പുറപ്പെട്ടു. തിരുവനന്തപുരത്തുനിന്നും യാത്ര പുറപ്പെട്ട ട്രെയിന്‍ രാത്രി പതിനൊന്നിന് എറണാകുളം സൗത്ത് റെയില്‍വേ സ്റ്റേഷനിലെത്തി. 540 യാത്രക്കാര്‍ ആണ് എറണാകുളം സ്റ്റേഷനില്‍ നിന്നും കയറിയത്.
എറണാകുളത്തിന് പുറമെ ഇടുക്കി, ആലപ്പുഴ, പാലക്കാട്, കോട്ടയം, കൊല്ലം, തൃശൂര്‍ ജില്ലകളില്‍ നിന്നുള്ളവരാണിവര്‍. സ്റ്റേഷനില്‍ എത്തിയ എല്ലാവരെയും ആരോഗ്യ വകുപ്പിന്റെ പ്രാഥമിക പരിശോധനക്ക് ശേഷമാണ് യാത്രയ്ക്ക് അനുവദിച്ചത്. എറണാകുളത്തുനിന്നും 362പേരും ഇടുക്കിയില്‍ നിന്നും 136 പേരും യാത്രയ്‌ക്കെത്തിയിരുന്നു. എറണാകുളത്തിനു പുറമെ കാഞ്ഞങ്ങാടും ട്രെയിന് സ്റ്റോപ്പുണ്ടായിരുന്നു.