തിരുവനന്തപുരം: കോണ്‍ഗ്രസ് നേതാക്കള്‍ ബി.ജെ.പിയിലേക്ക് ചേക്കേറുന്ന വാര്‍ത്തകള്‍ വല്ലാതെ നിറയുമ്പോള്‍ പരിഹാസവുമായി വൈദ്യുത മന്ത്രി എം.എം മണിയും.
ഇനിയും കോണ്‍ഗ്രസില്‍ നിന്ന് നേതാക്കള്‍ ബി.ജെ.പിയിലേക്കു പോകും. അവസാനം പോകുന്നവരോട് ഒരു അഭ്യര്‍ഥന. പാര്‍ട്ടി ഓഫീസ് പൂട്ടി പോകുമ്പോള്‍ ഫാനും ലൈറ്റും ഓഫ് ചെയ്യണം. കാരണം നിങ്ങളുടെ നട്ടെല്ലിന് വിലയില്ലെങ്കിലും വൈദ്യുതിക്ക് വലിയ വിലയുണ്ട്. അത് അമൂല്യമായതിനാല്‍ പാഴാക്കരുതെന്നുമാണ് എം.എം മണി ഫേസ് ബുക്കില്‍ കുറിച്ചത്. ടോം വടക്കന്‍ ബിജെപിയില്‍ ചേര്‍ന്നതിനെതിരേ കേക്ക് മുറിച്ചും ട്രോളുകളുണ്ടാക്കിയും കോണ്‍ഗ്രസ് പ്രവര്‍ത്തകര്‍ തന്നെ ആഘോഷിക്കുമ്പോഴാണ് മന്ത്രിയുടെ പരിഹാസം.