കൊച്ചി: മലപ്പുറം ഉപതെരഞ്ഞെടുപ്പില്‍ ഇടതുമുന്നണി വന്‍ മുന്നേറ്റം നടത്തുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. 2004 ആവര്‍ത്തിക്കുന്ന തരത്തില്‍ ഇടതുമുന്നണിക്ക് അനുകൂലമായ സാഹചര്യമാണ് നിലനില്‍ക്കുന്നതെന്നും കോടിയേരി കൊച്ചിയില്‍ അവകാശപ്പെട്ടു.
ജിഷ്ണു പ്രണോയ് കേസില്‍ പ്രതികള്‍ക്ക് ഹൈക്കോടതി മുന്‍കൂര്‍ ജാമ്യം നല്‍കിയത് സര്‍ക്കാര്‍ സുപ്രിംകോടതിയില്‍ ചോദ്യം ചെയ്യും. എല്ലാനിലയിലും കുടുംബത്തിന് നീതി ഉറപ്പാക്കാന്‍ സര്‍ക്കാര്‍ ശ്രമിക്കുന്നുണ്ട്. ജിഷ്ണുവിന്റെ അമ്മ നടത്തിയ സമരത്തിനിടെ അറസ്റ്റ്‌ചെയ്യപ്പെട്ടവരാണ് പ്രശ്‌നങ്ങള്‍ കൂടുതല്‍ സങ്കീര്‍ണമാക്കാന്‍ ശ്രമിച്ചത്. സര്‍ക്കാരിന് ആരോടും പ്രതികാര മനോഭാവമില്ലെന്നുംകോടിയേരി പറഞ്ഞു.