കാസര്‍കോട്: തളങ്കര ഹുദൈബിയ്യയില്‍ നടക്കുന്ന എസ്.കെ.എസ്.എസ്.എഫ്. ജില്ലാ സമ്മേളനത്തിന്റെ സന്ദേശം നാളെ വെള്ളി ജുമുഅയ്ക്ക് പള്ളികളില്‍ ഉദ്‌ബോധനം നടത്താനും എല്ലാ മഹല്ല് ഭാരവാഹികളോടും ഖത്തീബന്മാരോടും സമസ്ത ജില്ലാ പ്രസിഡന്റ് ഖാസി ത്വാഖാ അഹമ്മദ് മൗലലി ജില്ലാ ജനറല്‍ സെക്രട്ടറി യു.എം.അബ്ദുല്‍ റഹ്മാന്‍ മുസ്‌ലിയാര്‍ സമസ്ത വിദ്യാഭ്യാസ ബോര്‍ഡ് സെക്രട്ടറി എം.എ ഖാസിം മുസ്‌ലിയാര്‍ അഭ്യര്‍ഥിച്ചു.

പതാക ദിനം ഇന്ന്
കാസര്‍കോട്: സമ്മേളന പ്രചരണാര്‍ഥം എല്ലാ ശാഖകളിലും ഇന്ന് പതാക ദിനമായി ആചരിക്കാന്‍ എസ്.കെ.എസ്.എസ്.എഫ്. ജില്ലാ പ്രസിഡന്റ് താജുദ്ദീന്‍ ദാരിമി പടന്ന ജനറല്‍ സെക്രട്ടറി ഹാരിസ് ദാരിമി ബെദിരയും അഭ്യര്‍ഥിച്ചു.

പതാക വരക്കലില്‍ നിന്നും
കൊടി മരം ഉള്ളാളില്‍ നിന്നും
കാസര്‍കോട്: തളങ്കര ഹുദൈബിയ്യയില്‍ ഉയര്‍ത്തുന്നതിനുള്ള പതാക വരക്കല്‍ മഖാമില്‍ നിന്നും സലാം ഫൈസി പേരാലിന്റെ നേതൃത്വത്തിലും കൊടിമരം സിദ്ധീഖ് അസ്ഹരി പാത്തൂറിന്റെ നേതൃത്വത്തില്‍ ഉള്ളാളില്‍ നിന്നും കൊണ്ട് വരും.

പ്രചാരണ ജാഥകള്‍
കാസര്‍കോട്: കാഞ്ഞങ്ങാട് മഞ്ചേശ്വരം മേഖലകളില്‍ പ്രചാരണ ജാഥയും കാസര്‍കോട് മേഖലയില്‍ വിളംബര റാലിയും ഇന്നു നടക്കും.

രംഗത്തിറങ്ങണം
കാസര്‍കോട്: മദീനാ പാഷന്റെ ഭാഗമായി നടക്കുന്ന പഠന ക്ലാസ്, ഗ്രാന്റ് അസംബ്ലി ,സമാപന റാലി, എന്നിവയില്‍  ജില്ലയിലെ മുഴുവന്‍ മുഅല്ലിംകളും സുന്നീ ബാലവേദി വിദ്യാര്‍ഥികളും സംബന്ധിക്കണമെന്ന് ജില്ലാ ജംഇയ്യത്തുല്‍ മുഅല്ലിമിന്‍ ഭാരവാഹികള്‍ അറിയിച്ചു.
ജില്ലാ എസ്.കെ.എസ്.എസ്.എഫ്. മദീനാ പാഷന്‍ സമ്മേളനത്തില്‍ എസ്.വൈ.എസിന്റെ ജില്ലയിലെ മുഴുവന്‍ പ്രവര്‍ത്തകരും സംബന്ധിക്കണമെന്ന് എസ്.വൈ.എസ് ജില്ലാ ഭാരവാഹികള്‍ അറിയിച്ചു.