മോസ്‌കോ: പോര്‍ച്ചുഗല്‍-ഇറാന്‍ മത്സരത്തിലെ റഫറിയെ വിമര്‍ശിച്ച് ഇറാന്‍ പരീശീലകന്‍ കാര്‍ലോസ് ക്വിരസ് രംഗത്ത്. മത്സരത്തിനിടെ പോര്‍ച്ചുഗല്‍ താരം ക്രിസ്റ്റ്യാനോ റൊണാള്‍ഡോക്ക് ചുവപ്പ് കാര്‍ഡ് നല്‍കാത്ത റഫറിയുടെ തീരുമാനത്തെയാണ് ഇറാന്‍ പരിശീലകന്‍ വിമര്‍ശിച്ചത്. കളിയില്‍ എല്ലാവര്‍ക്കും ഒരേ നിയമമാണുള്ളത്. അത് റൊണാല്‍ഡോ ആയാലും മെസ്സി ആയാലും. 

കഴിഞ്ഞ ദിവസം ഫീല്‍ഡില്‍ എതിര്‍താരത്തെ കാര്യമില്ലാതെ എല്‍ബോ ചെയ്ത ക്രിസ്റ്റ്യാനോ ചുവപ്പ് കാര്‍ഡ് അര്‍ഹിക്കുന്നതായിരുന്നു. എന്നാല്‍ റഫറിക്ക് അത് നല്‍കാനുള്ള ദൈര്യം ഇല്ലാതെ പോയി. ഇത്തരം പ്രവണത നല്ല ഫുട്‌ബോളിനെ ഇല്ലാതാക്കുമെന്നും ക്വെരസ് പറഞ്ഞു. വാര്‍ റിവ്യൂവിലൂടെ പോര്‍ച്ചുഗലിന് പെനാല്‍റ്റി നല്‍കിയതിലും അഭാവമുണ്ട്. വാര്‍ നല്ല രീതിയിലല്ല മുന്നോട്ട് പോകുന്നത്. അത് ഫിഫാ പ്രസിഡന്റിനടക്കം അറിയാമെന്നും ക്വെരസ് കൂട്ടിച്ചേര്‍ത്തു.