എടച്ചേരി: കേരള പ്രദേശ് കോണ്‍ഗ്രസ് കമ്മിറ്റിയുടെ നിര്‍ദേശം നടപ്പിലാക്കുന്നതിന്റെ ഭാഗമായി നാദാപുരം നിയോജക മണ്ഡലത്തില്‍ പെന്‍ഷന്‍കാരുടെ സംഘടന രൂപീകരിച്ചു.
1984 മെയ് 9 മുതല്‍ കോണ്‍ഗ്രസിന്റെ പോഷക സംഘടനയായി കേരള സ്റ്റേറ്റ് സര്‍വിസ് പെന്‍ഷനേര്‍സ് അസോസിയേഷന്‍ (കെ.എസ്.എസ്.പി.എ) സംസ്ഥാന തലത്തില്‍ നിലവിലുണ്ടായിരുന്നെങ്കിലും നാദാപുരം മണ്ഡലത്തില്‍ രൂപീകൃതമായിരുന്നില്ല. അത് കൊണ്ട് തന്നെ ഈ മണ്ഡലത്തില്‍ ഇതുവരെയും കോണ്‍ഗ്രസ്, ലീഗ് അനുഭാവികളായ പെന്‍ഷന്‍കാര്‍ കോണ്‍ഗ്രസ് ഇതര സംഘടനയായ കെ.എസ്.എസ്.പി യൂനിയനിലായിരുന്നു അംഗത്വമെടുത്തിരുന്നത്.
ഈ പ്രശ്‌നത്തിന് പരിഹാരം കാണാനായി മണ്ഡലത്തിലെ കോണ്‍ഗ്രസ് പ്രവര്‍ത്തകര്‍ മുന്‍കയ്യെടുത്താണ് പുതുതായി കമ്മിറ്റി രൂപീകരിച്ചിരിക്കുന്നത്. കേരള പ്രദേശ് കോണ്‍ഗ്രസ് കമ്മിറ്റിയുടെ സര്‍ക്കുലര്‍ പ്രകാരം ഉത്തരവാദപ്പെട്ട സ്ഥാനങ്ങളില്‍ ഇരിക്കുന്ന നേതാക്കളും പ്രവര്‍ത്തകരും കോണ്‍ഗ്രസ് കെ. അനുകൂല സംഘടനയായ കെ.എസ്.എസ്.പി.എയില്‍ നിര്‍ബന്ധമായും അംഗത്വം ഏറ്റെടുക്കണമെന്ന നിര്‍ദേശമുണ്ടെന്ന് ഭാരവാഹികള്‍ സുപ്രഭാതത്തോട് പറഞ്ഞു.
.എടച്ചേരി മണ്ഡലംതല മെംബര്‍ഷിപ്പ് വിതരണം കെ.എസ്.എസ്.പി.എ നാദാപുരം നിയോജക മണ്ഡലം ജനറല്‍ സെക്രട്ടറി വി.പി സൂപ്പി, നരിക്കുന്ന് യു.പി സ്‌കൂള്‍ റിട്ടയേര്‍ഡ് അധ്യാപകന്‍ ടി. പാര്‍ഥന് നല്‍കി ഉദ്ഘാടനം ചെയ്തു.
കെ.പി ദാമോദരന്‍ അധ്യക്ഷനായി. സി. പവിത്രന്‍ അഡ്വ. രഘുനാഥ്, എം.കെ പ്രേംദാസ്,കെ.എസ്.എസ്.പി.എ ജില്ലാ പ്രസിഡന്റ് പി. പ്രഭാകരക്കുറുപ്പ്, ജനറല്‍ സെക്രട്ടറി കെ. സദാനന്ദന്‍ നായര്‍ സംസാരിച്ചു. നാദാപുരം മണ്ഡലം ഭാരവാഹികള്‍: പി. അരവിന്ദാക്ഷന്‍ (പ്രസി), സി.വി കുഞ്ഞികൃഷ്ണന്‍ (വൈ. പ്രസി) ബി.എം മുഹമ്മദ് (ട്രഷ) വി.പി സൂപ്പി മാസ്റ്റര്‍ (ജന.സെക്ര).