ഷാജഹാന്‍പുര്‍: മരത്തില്‍ നിന്ന് ചക്കയിട്ടതിന്റെ പേരില്‍ കൗമാരക്കാരനെ മര്‍ദിച്ച് കിണറ്റിലെറിഞ്ഞു കൊന്നു. മിര്‍സാപൂരിലെ സിങ്പുര്‍ എന്ന സ്ഥലത്താണ് സംഭവം. മിത്രാസെന്‍ (17) എന്നയാളെയാണ് ജിതേന്ദ്ര, ഗോലു, അശ്വനി, അരുണ്‍ എന്നിവര്‍ ചേര്‍ന്ന് മര്‍ദിച്ച് കിണറ്റിലെറിഞ്ഞത്.

വിവരം ലഭിച്ചതിന്റെ അടിസ്ഥാനത്തില്‍ മിത്രാസെന്നിന്റെ സഹോദരന്‍ ദാമോദര്‍ സ്ഥലത്തെത്തുകയും കിണറ്റില്‍ നിന്ന് മൃതദേഹം പുറത്തെടുക്കുകയുമായിരുന്നു. സംഭവത്തില്‍ കേസെടുത്ത് പ്രതികളെ അറസ്റ്റ് ചെയ്തതായി പൊലിസ് പറഞ്ഞു.