കൊച്ചി: നിര്‍മാതാവിനെ വീട്ടില്‍ കയറി ആക്രമിച്ചെന്ന പരാതിയില്‍ സംവിധായകന്‍ റോഷന്‍ ആന്‍ഡ്രൂസിനെതിരേ കേസ്. നിര്‍മാതാവ് ആല്‍വിന്‍ ആന്റണിയുടെ പരാതിയില്‍ എറണാകുളം സൗത്ത് പൊലിസാണ് കേസെടുത്തിരിക്കുന്നത്. കൊച്ചി പനമ്പള്ളി നഗറിലുള്ള വീട്ടില്‍കയറി തന്നെ ആക്രമിച്ചു എന്നാണ് പരാതി. റോഷന്‍ ആന്‍ഡ്രൂസിന്റെ സുഹൃത്ത് നവാസിനെതിരേയും പൊലിസ് കേസെടുത്തിട്ടുണ്ട്.

അതേസമയം, റോഷന്‍ ആന്‍ഡ്രൂസ് നല്‍കിയ പരാതിയില്‍ ആല്‍വിന്‍ ആന്റണിക്കും സുഹൃത്ത് ബിനോയ്‌ക്കെതിരേയും പൊലിസ് കേസ് രജിസ്റ്റര്‍ ചെയ്തു. തന്നെയും സുഹൃത്ത് നവാസിനെയും ആല്‍വിനും ബിനോയും ആക്രമിച്ചെന്ന റോഷന്‍ ആന്‍ഡ്രൂസിന്റെ പരാതിയിലാണ് കേസ്.