കോട്ടയം:നാട്ടകം പൊന്‍കുന്നത്തുകാവ് ഭഗവതി ക്ഷേത്രത്തിലെ തിരുവുത്സവത്തിന് ഇന്ന്  കൊടിയേറും. വൈകുന്നേരം ഏഴിന് ക്ഷേത്രം തന്ത്രി കുരുപ്പക്കാട്ട് മനയ്ക്കല്‍ നാരായണന്‍ നമ്പൂതിരിയുടെമുഖ്യകാര്‍മികത്വത്തിലാണ് കൊടിയേറ്റ്. 15ന് രാവിലെ 9.40ന് എഴുന്നള്ളിപ്പ് . രാത്രി 7 മുതല്‍ സോപാനസംഗീതം, വില്‍പ്പാട്ട് എന്നിവ നടക്കും. 16മുതല്‍ എല്ലാ ഉത്സവദിനങ്ങളിലും രാവിലെ 11ന് ഉത്സവബലി നടക്കും. 16ന് രാത്രി 7 മുതല്‍ തിരുവാതിര, ഭരതനാട്യം, ഭക്തിഗാനമേള എന്നിവ നടക്കും.17ന് 7 മുതല്‍ ചാക്യാര്‍കൂത്ത്, വയലിന്‍ കച്ചേരി, ഡാന്‍സ് എന്നിവ അരങ്ങേറും. 18ന് രാവിലെ മുതല്‍ നാരായണീയപാരായണം, രാത്രി 7 മുതല്‍ നൃത്തനൃത്ത്യങ്ങള്‍ സംഗീത സദ്‌സ. 19ന് 12.30 മുതല്‍ പ്രസാദമൂട്ട്. രാത്രി 9.30 മുതല്‍ അഞ്ചാം പുറപ്പാട്. തിരുവരങ്ങില്‍ രാത്രി 7 മുതല്‍ സംഗീതകച്ചേരി, ഡാന്‍സ്. 20ന് രാത്രി 7 മുതല്‍ നൃത്തസന്ധ്യ, വയലിന്‍ മ്യൂസിക്കല്‍ ഫ്യൂഷന്‍ എന്നിവ നടക്കും. 21ന് രാത്രി 7ന് ഭക്തിഗാനസുധ, തുടര്‍ന്ന് നാടകം. പള്ളിവേട്ട ദിവസമായ 22ന് രാത്രി 10.30ന് പള്ളിവേട്ട എതിരേല്‍പ്പ്. രാത്രി 7 മുതല്‍ മാജിക് ഷോ, തുടര്‍ന്ന് നാടന്‍പാട്ട്. ആറാട്ട് ദിവസമായ 23ന് വൈകുന്നേരം 4.30ന് ആറാട്ട് കടവിലേക്ക് പുറപ്പാട്. രാത്രി 7ന് ആറാട്ട് എഴുന്നള്ളിപ്പ്. തിരുവരങ്ങില്‍ ഭജന്‍സ്, തുടര്‍ന്ന് ആറാട്ട് കച്ചേരി എന്നിവ നടക്കും. 10.30ന് ആറാട്ട് എതിരേല്‍പ്പ് എന്നിവ നടക്കുമെന്ന് ക്ഷേത്രം ഭരണസമിതി അംഗങ്ങളായ ജി ദേവദാസ്, എം ആര്‍ രാജേന്ദ്രക്കുറുപ്പ്, ഉണ്ണികൃഷ്ണന്‍ ശിവാസ് വാര്‍ത്താസമ്മേളനത്തില്‍ അറിയിച്ചു.