ആനക്കര : കാലാവസ്ഥ ചതിച്ചില്ല കൊന്നപ്പൂക്കള്‍ക്ക് ക്ഷാമവുമില്ല.കഴിഞ്ഞവര്‍ഷം വിഷുവിന് മുന്‍മ്പ് തന്നെ കണിക്കൊന്നകള്‍ പൂത്ത് കൊഴിഞ്ഞിരുന്നു. ഇത്തവണ വൈകിയാണ് തൃത്താലമേഖലയില്‍ ഉള്‍പ്പടെയുളള സ്ഥലങ്ങളില്‍ വ്യാപകമായി കൊന്നകള്‍ പൂത്തത്. അതിനാല്‍ പൂക്കള്‍ക്ക് ഇത്തവണ ക്ഷാമമില്ല. മലപ്പുറം ജില്ലകള്‍ ഉള്‍പ്പടെയുളള ഭാഗങ്ങളിലേക്ക് വില്‍പ്പനക്കായി ജില്ലാ അതിര്‍ത്തി പ്രദേശങ്ങളില്‍ നിന്നാണ് കണിക്കൊന്ന പൂക്കള്‍ കൊണ്ടുപോകാറ്. വിഷു ദിനത്തില്‍ കണിവെയ്ക്കുന്നതില്‍ പ്രധാന സ്ഥാനമാണ് കണിക്കൊന്നപ്പൂക്കള്‍ക്ക് ഉളളത്. ഒരുകെട്ട് പൂവിന് 30 പവരെ വിലയുണ്ട്.