തിരുവനന്തപുരം:കൊവിഡ് വ്യാപനത്തിന്റെ സാഹചര്യത്തില്‍ സംസ്ഥാനത്തെ സ്‌കൂള്‍ വിദ്യാര്‍ഥികള്‍ക്കായുള്ള ക്ലാസുകള്‍ സംപ്രേഷണം ചെയ്യുന്നതിനുള്ള ഒരുക്കങ്ങള്‍ പൂര്‍ത്തിയായെന്ന് വിക്ടേഴ്‌സ് ചാനല്‍. അധ്യാപകരുടെ ക്ലാസിന്റെ ഷൂട്ടിങ് പുരോഗമിക്കുകയാണ്. സ്‌റ്റേറ്റ് സിലബസില്‍ അനുഭവ പരിചയമുളള അധ്യാപകരാണ് ക്ലാസെടുക്കുന്നത്.
വിഡിയോ റെക്കോര്‍ഡ് ചെയ്യുന്ന ക്ലാസുകള്‍ ടൈംടേബിള്‍ അടിസ്ഥാനത്തിലായിരിക്കും സംപ്രേഷണം ചെയ്യുക. പ്രവര്‍ത്തി ദിവസങ്ങളില്‍ രാവിലെ എട്ടു മുതല്‍ അഞ്ചുവരെയാണ് സംപ്രേഷണ സമയം. സ്‌കൂള്‍ തുറന്ന് രണ്ടു മാസംകൊണ്ട് പൂര്‍ത്തിയാക്കേണ്ട പാഠഭാഗങ്ങളാണ് ഇപ്പോള്‍ചിത്രീകരിക്കുന്നത്. ക്ലാസുകളുടെ ടൈംടേബിള്‍ ഉടന്‍ പുറത്തിറക്കും.