കാസര്‍കോട്: ത്രിതല പഞ്ചായത്ത് തെരഞ്ഞെടുപ്പോടനുബന്ധിച്ച് ജില്ലാതല മോക്ട്രില്‍ ഈ മാസം 20ന് മഞ്ചേശ്വരം പഞ്ചായത്തില്‍ നടക്കും.
ഇതിനോടനുബന്ധിച്ച് ഉദ്യോഗസ്ഥരുടേയും ജനപ്രതിനിധികളുടെയും രാഷ്ട്രീയ പാര്‍ട്ടികളുടെയും അവലോകനയോഗം കലക്ടറേറ്റ് മിനി കോണ്‍ഫറന്‍സ് ഹാളില്‍ നടന്നു.
ജില്ലാ കലക്ടര്‍ പി.എസ് മുഹമ്മദ് സഗീര്‍ അധ്യക്ഷനായി. ഇലക്ഷന്‍ കമ്മീഷനാണ് മഞ്ചേശ്വരം മോക്ട്രില്ലിനായി തെരഞ്ഞെടുത്തത്.
മൂന്ന് ബാലറ്റ് യൂനിറ്റ് ഒരുകണ്‍ട്രോള്‍ യൂനിറ്റുമുളള ആധുനിക രീതിയിലുളള മള്‍ട്ടികോഡ് ഇലക്‌ട്രോണിക് വോട്ടിംഗ് മെഷീനാണ് ഇത്തവണ പഞ്ചായത്ത് തെരഞ്ഞെടുപ്പിനായി ഉപയോഗിക്കുക.
രാജ്യത്ത് ആദ്യമായാണ് ഇത്തരം വോട്ടിംഗ് മെഷീന്‍ ഉപയോഗിച്ച് പഞ്ചായത്ത് തെരഞ്ഞെടുപ്പ് നടത്തുന്നത്.