നിലമ്പൂര്‍:  ബൈക്കിനെ മറികടക്കാനുള്ള ശ്രമത്തിനിടയില്‍ കാര്‍ നിയന്ത്രണം വിട്ട് വയലിലേക്ക് മറിഞ്ഞു. കരുളായി നിലമ്പൂര്‍ റോഡില്‍ മുതീരി പാലത്തിനു സമീപത്തുവച്ചാണ് അപകടം.  ഇന്നലെ  വൈകീട്ട്  5മണിയോടെയാണ് സംഭവം.  മറികടക്കാനുള്ള ശ്രമത്തിനിടയില്‍ ബൈക്കിന്റെ ഇന്റിക്കേറ്ററില്‍ ഇന്നോവ കാറിന്റെ മുന്‍വശം തട്ടുകയായിരുന്നു.
ഇതേതുടര്‍ന്ന് വലതുവശത്തേക്ക് വെട്ടിച്ച വാഹനം റോഡരികിലെ സര്‍വേ കല്ലുകള്‍ തകര്‍ത്ത് പാടത്തേക്ക് മറിയുകയായിരുന്നു. യാത്രക്കാര്‍ ചെറിയ പരുക്കുകളോടെ രക്ഷപ്പെട്ടു. കരുളായി സ്വദേശികളുടേതാണ് വാഹനം. എസ് ഐ മനോജ് പറയറ്റയുടെ നേതൃത്വത്തില്‍ പൊലിസ് സ്ഥലം സന്ദര്‍ശിച്ചു.