ആലക്കോട്: ഉദയഗിരി പഞ്ചായത്തിലെ മണക്കടവ്, മുക്കട, നരിയംകുണ്ട് പ്രദേശങ്ങളില്‍ ആഞ്ഞടിച്ച ചുഴലിക്കാറ്റില്‍ വ്യാപക കൃഷി നാശം. ഇന്നലെ വൈകുന്നേരത്തോടെയാണ് വേനല്‍മഴക്കൊപ്പം ചുഴലിക്കാറ്റ് വീശിയടിച്ചത്. ഷെല്ലി മാങ്കോട്ടില്‍, നാരായണന്‍ ചെങ്ങനാ ചാലില്‍, ഷാജി ചെങ്ങനാചാലില്‍, ബെന്നി മോളത്ത്, റോയിച്ചന്‍ പുലിയുറുമ്പില്‍ എന്നിവരുടെ കൃഷിയിടങ്ങളിലാണ് കൂടുതല്‍ കൃഷിനാശമുണ്ടായത്. നൂറുകണക്കിന് റബര്‍ മരങ്ങളും വാഴ, കവുങ്ങ്, തെങ്ങ്, കശുമാവ് ഉള്‍പ്പെടെ നിരവധി കാര്‍ഷിക വിളകളും കാറ്റില്‍ നിലംപൊത്തി.