ഹൈദരാബാദ്: 76 യാത്രക്കാരുമായി ജയ്പൂരില്‍നിന്ന് ഹൈദരാബാദിലെത്തിയ എയര്‍ ഏഷ്യാ വിമാനം ഇന്ധന ചോര്‍ച്ചയെ തുടര്‍ന്ന് അടിയന്തിരമായി നിലത്തിറക്കി. പൈലറ്റിന്റെ സമയോചിത ഇടപെടല്‍ കാരണം വലിയ ദുരന്തം ഒഴിവായി. ഇന്നലെ ഉച്ചയ്ക്ക് ഒന്നരയോടെയായിരുന്നു സംഭവം.
എയര്‍ ഏഷ്യയുടെ ഐ 51543 വിമാനമാണ് രാജീവ് ഗാന്ധി അന്താരാഷ്ട്ര വിമാനത്താവളത്തില്‍ അടിയന്തിര ലാന്‍ഡിങ് നടത്തിയത്.
ഇന്ധനചോര്‍ച്ച ശ്രദ്ധയില്‍പെട്ടതിനെ തുടര്‍ന്ന് പൈലറ്റ് വിമാനത്തിന്റെ ഒരു എന്‍ജിന്‍ ഓഫാക്കുകയും തുടര്‍ന്ന് ഒരു എന്‍ജിന്‍ മാത്രം പ്രവര്‍ത്തിപ്പിച്ച് ലാന്‍ഡിങ് നടത്തുകയുമായിരുന്നു.
പൈലറ്റ് സന്ദേശം നല്‍കിയതിനെ തുടര്‍ന്ന് വിമാനത്താവളത്തില്‍ അടിയന്തിരാവസ്ഥ പ്രഖ്യാപിച്ചിരുന്നു.