മലപ്പുറം: രാഹുല്‍ ഗാന്ധിയുടെ കരങ്ങള്‍ക്കു ശക്തിപകരാനാണ് താന്‍ മത്സരിക്കുന്നതെന്ന പൊന്നാനിയിലെ ഇടതു സ്വതന്ത്ര സ്ഥാനാര്‍ഥി പി.വി അന്‍വറിന്റെ പരാമര്‍ശത്തിനെതിരേ എല്‍.ഡി.എഫ് കണ്‍വീനര്‍ എ. വിജയരാഘവന്‍ രംഗത്ത്.

രാഹുല്‍ഗാന്ധിയുടെ കരങ്ങള്‍ക്കു ശക്തിപകരാനുള്ള തെരഞ്ഞെടുപ്പല്ല ഇതെന്നാണ് ഒരു സ്വകാര്യ ഓണ്‍ലൈന്‍ ചാനലിന് അനുവദിച്ച അഭിമുഖത്തില്‍ എല്‍.ഡി.എഫ് കണ്‍വീനര്‍ വ്യക്തമാക്കിയത്. അന്‍വറിന്റെ രാഹുല്‍ അനുകൂല പ്രസ്താവനയെ പരിഹസിച്ച് സോഷ്യല്‍ മീഡിയയില്‍ നിരവധി ആളുകള്‍ രംഗത്തുവന്നിരുന്നു. ഇതിനു പന്നാലെയാണ് സ്ഥാനാര്‍ഥിയെ തള്ളി എല്‍.ഡി.എഫ് കണ്‍വീനര്‍ തന്നെ രംഗത്തുവന്നത്.