ന്യൂഡല്‍ഹി: ദലിത് വോട്ടുകള്‍ ലക്ഷ്യം വച്ച് കോണ്‍ഗ്രസ് ജനറല്‍ സെക്രട്ടറി പ്രിയങ്കാ ഗാന്ധി നടത്തിയ നീക്കങ്ങള്‍ക്ക് തിരിച്ചടി. എന്തു സ്വാധീനമുണ്ടെങ്കിലും കോണ്‍ഗ്രസുമായി യാതൊരുത്തിലുമുള്ള സഖ്യത്തിനും തയാറല്ലെന്ന് ഭീം ആര്‍മി നേതാവ് ചന്ദ്രശേഖര്‍ ആസാദ് പറഞ്ഞു.
ഭീം ആര്‍മിയുടെ ലക്ഷ്യം ബി.ജെ.പിയെ പരാജയപ്പെടുത്തുകയെന്നതാണ്. മോദി ദലിത് വിരുദ്ധനാണെന്നും സര്‍ക്കാരിന്റെ നയങ്ങള്‍ രാജ്യത്തെ നശിപ്പിക്കുന്നതുമാണെന്ന് അദ്ദേഹം പറഞ്ഞു.
കഴിഞ്ഞ ദിവസം ഡല്‍ഹിയില്‍ റാലിയില്‍ പങ്കെടുക്കാനുള്ള യാത്രയില്‍ പൊലിസ് അറസ്റ്റ് ചെയ്യുകയും തുടര്‍ന്ന് അസുഖബാധിതനായി ആശുപത്രിയില്‍ പ്രവേശിപ്പിക്കുകയും ചെയ്ത ചന്ദ്രശേഖര്‍ ആസാദിനെ പ്രിയങ്കാ ഗാന്ധി സന്ദര്‍ശിച്ചത് ഏറെ ശ്രദ്ധിക്കപ്പെട്ടിരുന്നു.