ദമാം: സമസ്‌ത ഇസ്‌ലാമിക് സെന്റർ ദമാം സെൻട്രൽ കമ്മിറ്റിയുടെ കീഴിൽ ട്രെന്റിന്റെ നേതൃത്വത്തിൽ നടക്കുന്ന ഹിമ്മത്ത് ക്വിസ് ഗ്രാൻഡ് ഫിനാലെ വെള്ളിയാഴ്ച നടക്കും. ഹൈസ്‌കൂൾ, പ്ലസ് ടു വിദ്യാർത്ഥികൾക്കായി നടത്തുന്ന സിവിൽ സർവ്വീസ് ഉൾപ്പെടെയുള്ള ഉന്നത തല വിദ്യാഭ്യാസ മേഖലകളിലേക്ക് വഴി കാട്ടിയായ ഒരു വർഷത്തെ ഓറിയന്റേഷൻ പ്രോഗ്രാമായ ഹയർ എഡ്യൂക്കേഷൻ മൂവ്മെന്റ് ഫോർ മോട്ടിവേഷൻ ആക്ടിവിറ്റീസ് ബൈ ട്രെൻഡ് (ഹിമ്മത്ത് ) വിദ്യാ ശാക്തീകരണ പദ്ധതിയുടെ ഭാഗമായി ഒരു മാസക്കാലമായി ഓൺലൈൻ ക്വിസ് മത്സരങ്ങൾ നടന്നു വരികയാണ്. അതിന്റെ ഗ്രാൻഡ് ഫിനാലെ മെയ് 29 നു വെള്ളിയാഴ്ച്ച നടക്കുമെന്ന് സംഘാടക സമിതി അറിയിച്ചു.

     മതം, വിദ്യാഭ്യാസം, സാംസ്‌കാരികം, ചരിത്രം , ശാസ്‌ത്രം, ഗണിതം, കല, കായികം തുടങ്ങിയ വിവിധ മേഖലകളെ അടിസ്ഥാനമാക്കി ഒരു മാസമായി നടത്തിയ മത്സരങ്ങളിൽ ഏറ്റവും കൂടുതൽ പോയിന്റ് നേടിയ ആദ്യത്തെ 15 മത്സരാർത്ഥികളാണ് ഗ്രാൻഡ്‌ഫിനാലെയിൽ പങ്കെടുക്കുക. ഓൺലൈൻ വഴിയാണ് ഗ്രാൻഡ്‌ഫിനാലെയും നടത്തുന്നത്. ഗ്രാൻഡ്‌ഫിനാലെയിൽ വിജയികളാകുന്നവർക്ക് ആകർഷകമായ സമ്മാനങ്ങൾ ഉണ്ടായിരിക്കുമെന്നും സംഘാടകർ അറിയിച്ചു.