റയല്‍ ബെറ്റിസിന്റെ ആരാധകരെ പ്രശംസിച്ച് ലയണല്‍ മെസ്സി. ഇന്നലെ മെസ്സി നേടിയ മൂന്നാം ഗോളിന്റെ സമയത്ത് റയല്‍ ബെറ്റിസ് ആരാധകര്‍ എഴുനേറ്റ് നിന്ന് കൈയടിച്ചിരുന്നു.
എതിരാളികളുടെ ആരാധകരുടെ കയ്യടിയെ മെസ്സി മത്സര ശേഷം പ്രശംസിക്കുകയും ചെയ്തു. ഇതിനു മുന്‍പ് ഒരിക്കലും എതിരാളികളുടെ ആരാധകര്‍ തന്നോട് ഇത് ചെയ്തിട്ടില്ലെന്നും മെസ്സി പറഞ്ഞു. പെനാല്‍റ്റി ബോക്‌സിനു പുറത്തു നിന്ന് മനോഹരമായ ഒരു ചിപ്പിലൂടെയാണ് മെസ്സി തന്റെ മൂന്നാം ഗോള്‍ നേടിയത്. ഇതിനു ശേഷമാണു റയല്‍ ബെറ്റിസ് ആരാധകര്‍ മെസ്സിയുടെ പേര് പറഞ്ഞു കയ്യടിച്ചത്.