മെക്‌സികോ സിറ്റി: മെക്‌സികോയിലെ സിനാലോവയില്‍ വിമാനത്തില്‍ നിന്ന് യുവാവിനെ വിലിച്ചെറിഞ്ഞെന്ന് റിപ്പോര്‍ട്ട്. ഇയാളുടെ മൃതദേഹം ആശുപത്രിയുടെ ടെറസില്‍ കണ്ടെത്തി. മൃതദേഹത്തില്‍ ശക്തമായ ആഘാതത്തിലേറ്റ മുറിവുകളുണ്ട്. എന്നാല്‍ വിമാനത്തില്‍ നിന്ന് വീണാണ് മരണമെന്ന് ഉറപ്പായിട്ടില്ലെന്ന് ഡെപ്യൂട്ടി അറ്റോര്‍ണി ജനറല്‍ പറഞ്ഞു.
പ്രദേശിക സമയം 7.30 ഓടെയാണ് സംഭവം. ആശുപത്രിക്ക് പുറത്തു നില്‍ക്കുകയായിരുന്നയാളാണ് സംഭവം കണ്ടത്. ആശുപത്രിക്ക് മുകളിലൂടെ താഴ്ന്നു പറന്ന വിമാനത്തില്‍ നിന്ന് ഒരാളെ താഴേക്ക് തള്ളിയിടുകയായിരുന്നെന്ന് ദൃക്‌സാക്ഷി പറയുന്നു.
60 കിലോമീറ്ററിനുള്ളില്‍ രണ്ടു മൃതദേഹങ്ങള്‍ വേറെയും കണ്ടെത്തിയിട്ടുണ്ടെന്നും മയക്കു മരുന്ന് മാഫിയ ശക്തമായതിനാല്‍ അവരുടെ ഇരകളാകാന്‍ സാധ്യതയുണ്ടെന്നും പൊതുജനാരോഗ്യ വിഭാഗം അറിയിച്ചു.
കാര്‍ഷിക മേഖലയായതിനാല്‍ കൃഷിക്ക് മരുന്നു തളിക്കാനും മറ്റും സ്ഥിരമായി വിമാനങ്ങള്‍ ഉപയോഗിക്കുന്ന സ്ഥലമാണെന്നും ആരോഗ്യ വകുപ്പ് പറയുന്നു. മൂന്നു മൃതദേഹങ്ങളും പുറം തള്ളിയത് ഒരേ വിമാനത്തില്‍ നിന്നാണെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യ്തു.