ന്യൂഡല്‍ഹി: കേരളത്തില്‍ എന്‍.ഡി.എയുടെ സീറ്റ് വിഭജനം പൂര്‍ത്തിയായതായി ബി.ജെ.പി ദേശീയ ജനറല്‍ സെക്രട്ടറി മുരളീധര റാവു വാര്‍ത്താ സമ്മേളനത്തില്‍ അറിയിച്ചു.

ബി.ജെ.പി 14 സീറ്റുകളില്‍ മത്സരിക്കും. വയനാട്, ആലത്തൂര്‍, ഇടുക്കി, തൃശൂര്‍, മാവേലിക്കര മണ്ഡലങ്ങളില്‍ ബി.ഡി.ജെ.എസും കോട്ടയത്ത് പി.സി തോമസുമായിരിക്കും മത്സരിക്കുക. എന്നാല്‍ കേരളത്തിലെ സീറ്റ് നിര്‍ണയം പൂര്‍ത്തിയായിട്ടില്ലെന്നും അത് പുരോഗമിക്കുകയാണെന്നും മുരളീധര റാവു പറഞ്ഞു. കേരളത്തില്‍ ഇക്കുറി വലിയമാറ്റമുണ്ടാകുമെന്ന പ്രതീക്ഷയിലാണ് എന്‍ഡി.എ നേതൃത്വം.