കൊച്ചി: ജില്ലാ ടൂറിസം പ്രമോഷന്‍ കൗണ്‍സിലിന്റെ ആഭിമുഖ്യത്തില്‍ വിഷു   ഈസ്റ്റര്‍ ആഘോഷങ്ങളുടെ ഭാഗമായി എറണാകുളം ദര്‍ബാര്‍ ഹാള്‍ ഗ്രൗണ്ടില്‍ ഇന്ന് വൈകിട്ട് 6ന് പ്രത്യേക നൃത്തസംഗീതദൃശ്യാവിഷ്‌ക്കാരം ഉണ്ടായിരിക്കും.  
പരിപാടിയുടെ മുഖ്യ ആകര്‍ഷണം നാനത്വത്തില്‍ ഏകത്വം എന്ന നൃത്തസംഗീതാവിഷ്‌ക്കാരമാണ്.  രാജാ രവിവര്‍മ്മയുടെ ചിത്രങ്ങളിലുടെയുള്ള ദൃശ്യ സഞ്ചാരവും ഈ അവതരണം പകര്‍ന്നുതരും. മേയര്‍ സൗമിനി ജെയിന്‍ ചടങ്ങ് ഉദ്ഘാടനം ചെയ്യും.
എം.പിമാരായ കെ.വി തോമസും ഇന്നസെന്റും മുഖ്യാതിഥികളായിരിക്കും. മിഴാവ് മേളവും നൃത്തസന്ധ്യയും സംഘടിപ്പിക്കുന്നുണ്ട്. പരിപാടിയിലേക്കുള്ള പ്രവേശനം സൗജന്യമാണ്.