തേഞ്ഞിപ്പലം: പെന്‍ഷന്‍ വാങ്ങിക്കൊണ്ടിരിക്കുന്ന അഞ്ഞൂറോളം മുഅല്ലിംകളെ സമസ്ത കേരള ജംഇയ്യത്തുല്‍ മുഅല്ലിമീന്‍ ആദരിക്കുന്നു. 27ന് പാണക്കാട് മര്‍വ ഓഡിറ്റോറിയത്തില്‍ നടക്കുന്ന മുഅല്ലിം പെന്‍ഷനേഴ്‌സ് സംഗമം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.

ഏപ്രില്‍ മാസത്തെ പെന്‍ഷന്‍തുക പരിപാടിയില്‍വച്ച് വിതരണം ചെയ്യും. പ്രമുഖര്‍ സംബന്ധിക്കുന്ന പരിപാടിയില്‍ സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സിലില്‍ നിന്ന് പെന്‍ഷന്‍ വാങ്ങിക്കൊണ്ടിരിക്കുന്ന മുഴുവന്‍ മുഅല്ലിംകളും സംബന്ധിക്കണമെന്ന് പ്രസിഡന്റ് സി.കെ.എം സ്വാദിഖ് മുസ്‌ലിയാരും സെക്രട്ടറി ഡോ. ബഹാഉദ്ദീന്‍ മുഹമ്മദ് നദ്‌വിയും അറിയിച്ചു.