കാട്ടാക്കട: വധശ്രമം ഉള്‍പ്പെടെ നിരവധി കേസുകളിലെ പ്രതിയെ നെയ്യാര്‍ഡാം പൊലിസ് പിടികൂടി. കോട്ടൂര്‍ ലക്ഷം വീടുകോളനിയിലെ കോഴി സുര എന്ന സുരേഷ് കുമാര്‍ (38) ആണ് അറസ്റ്റിലായത്.
അയല്‍വാസിയെ തലയ്ക്കടിച്ചുവീഴ്ത്തി കൊലപ്പെടുത്താന്‍ ശ്രമിച്ച കേസില്‍ പ്രതിയായ ഇയാള്‍ ഫെബ്രുവരി 18ന് കോട്ടൂര്‍ സ്വദേശിയായ വീട്ടമ്മയെ വീട്ടില്‍ക്കയറി ദേഹോപദ്രവം ഏല്‍പ്പിച്ച ശേഷം വനത്തിനുള്ളില്‍ ഒളിവില്‍ കഴിയുകയായിരുന്നു. ഇയാള്‍ക്കെതിരേ വ്യാജച്ചാരായ വില്‍പ്പനയുള്‍പ്പടെ മറ്റു എട്ടു കേസുകളുണ്ട്.  ഉള്‍ വനങ്ങളില്‍ തമ്പടിക്കുന്ന സുരേഷ് നാട്ടിലിറങ്ങുമ്പോഴെക്കെ പ്രശ്‌നങ്ങള്‍ സൃഷ്ടിക്കാറുണ്ടെന്നു പൊലിസ് പറഞ്ഞു. എസ്.ഐ സതീഷ് കുമാര്‍, പൊലിസുകാരായ വിജയന്‍, രഞ്ചിത്, പ്രമോദ് ഷൈന്‍ എന്നിവരടങ്ങുന്ന സംഘമാണ് വനത്തില്‍ നിന്നും ഇയാളെ പിടികൂടിയത്. പ്രതിയെ കോടതി റിമാന്റ് ചെയ്തു.