ന്യൂഡല്‍ഹി: ഇന്ത്യന്‍ ക്രിക്കറ്റ് ടീം ഹെഡ് കോച്ച് രവിശാസ്ത്രിയുമായുള്ള ബി.സി.സി.ഐയുടെ കരാറില്‍ കാലാവധി നീട്ടുമെന്ന് പറഞ്ഞിട്ടില്ലെന്ന് വെളിപ്പെടുത്തല്‍. ശാസ്ത്രിയുടെ നേതൃത്വത്തില്‍ ലോകകപ്പ് നേടിയാലും സാധാരണ നടപടിക്രമങ്ങളിലൂടെയേ അദ്ദേഹത്തിന് കോച്ചായി വീണ്ടും തിരഞ്ഞെടുക്കപ്പെടാനാവൂ- ബി.സി.സി.ഐയുടെ ഒരു സീനിയര്‍ ഉദ്യോഗസ്ഥന്‍ പി.ടി.ഐയോടു പറഞ്ഞു. അനില്‍ കുംബ്ലെ കോച്ചായിരുന്ന കാലത്താണ് ബി.സി.സി.ഐ കോച്ചിന്റെയും സഹായികളുടെയും കാലാവധി പുതുക്കുമെന്ന നിബന്ധന കരാറില്‍ നിന്ന് ഒഴിവാക്കിയത്. രവി ശാസ്ത്രിയെ കൂടാതെ ബാറ്റിങ് കോച്ച് സഞ്ജയ് ബന്‍ഗാര്‍, ബൗളിങ് കോച്ച് ഭരത് അരുണ്‍, ഫീല്‍ഡിങ് കോച്ച് ആര്‍. ശ്രീധര്‍ എന്നിവരുടെയും കരാര്‍ കാലാവധി ലോകകപ്പിലെ ഇന്ത്യയുടെ അവസാന മത്സരത്തോടെ അവസാനിക്കും.