തിരുവനന്തപുരം: മെയ് 10 മുതല്‍ കൊവിഡ് സ്ഥിരീകരിച്ച 644 പേരില്‍ 65 പേര്‍ക്കു മാത്രമാണ് സമ്പര്‍ക്കം മൂലം രോഗം പിടിപെട്ടതെന്ന് മുഖ്യമന്ത്രി പിണറായി വിജയന്‍. അതായത് 10.09 ശതമാനം.
ഇപ്പോഴുള്ള 557 ആക്ടീവ് കേസുകളില്‍ സമ്പര്‍ക്കം മൂലം രോഗബാധയുണ്ടായത് 45 പേര്‍ക്കു മാത്രമാണ്. കഴിഞ്ഞ ദിവസം സ്ഥിരീകരിച്ച 84 പേരില്‍ സമ്പര്‍ക്കം മൂലം വന്നത് അഞ്ചു പേര്‍ക്കാണ്. ഈയാഴ്ചത്തെ കണക്കെടുത്താല്‍ ഞായറാഴ്ച 53 പേരില്‍ സമ്പര്‍ക്കംമൂലം അഞ്ചു പേര്‍ക്കും തിങ്കളാഴ്ച 49ല്‍ ആറു പേര്‍ക്കും ചൊവ്വാഴ്ച 67ല്‍ ഏഴു പേര്‍ക്കും ബുധനാഴ്ച 40ല്‍ മൂന്നു പേര്‍ക്കും ഇന്നലെ 62ല്‍ ഒരാള്‍ക്കുമാണ് സമ്പര്‍ക്കം മൂലം രോഗബാധയുണ്ടായത്. അതായത് ഈയാഴ്ച ഇതുവരെയുള്ള 355ല്‍ 27 ആണ് സമ്പര്‍ക്കത്തിലൂടെ രോഗം ബാധിച്ചവര്‍.