കോഴിക്കോട്: സ്വാതന്ത്ര്യ ദിനത്തില്‍എസ്.കെ.എസ്.എസ്.എഫിന്റെ ആഭിമുഖ്യത്തില്‍ നടത്തി വരുന്ന ഫ്രീഡം സ്‌ക്വയര്‍ ഈ വര്‍ഷം 200 മേഖലാ കേന്ദ്രങ്ങളില്‍ നടത്താന്‍ പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങളുടെ അധ്യക്ഷതയില്‍ ചേര്‍ന്ന സംസ്ഥാന സെക്രട്ടേറിയറ്റ് തീരുമാനിച്ചു. 'സ്വാതന്ത്ര്യം സംരക്ഷിക്കാം, സമരം തുടരാം' എന്ന സന്ദേശവുമായി ഓരോ കേന്ദ്രങ്ങളിലും നൂറ് കണക്കിന് വിദ്യാര്‍ഥികളെയും യുവജനങ്ങളെയും അണിനിരത്തിയാണ് പരിപാടികള്‍ സംഘടിപ്പിക്കുക. സ്വാതന്ത്ര്യ സമര ചരിത്രം, രാജ്യത്തിന്റെ ബഹുസ്വരത, ഫാഷിസ്റ്റ് ഭീഷണിയും പ്രതിരോധവും, രാഷ്ട്ര നിര്‍മാണത്തില്‍ പുതുതലമുറയുടെ പങ്കാളിത്തം തുടങ്ങിയ വിഷയങ്ങള്‍ വ്യാപകമായി ചര്‍ച്ച ചെയ്യുന്ന പ്രചാരണങ്ങള്‍ നടത്തും. കേരളത്തിന് പുറമെ വിവിധ സംസ്ഥാനങ്ങളിലെയും ഗള്‍ഫ് രാജ്യങ്ങളിലെയും തെരഞ്ഞെടുക്കപ്പെട്ട കേന്ദ്രങ്ങളിലും ഫ്രീഡം സ്‌ക്വയര്‍ സംഘടിപ്പിക്കും.

പരിപാടികള്‍ക്ക് അന്തിമരൂപം നല്‍കുന്നതിന് ഇന്ന് വൈകിട്ട് മൂന്നിന് ചേളാരി സമസ്താലയത്തിലും നാളെ രാവിലെ 11 ന് ആലുവ സെന്‍ട്രല്‍ മസ്ജിദ് ഹാളിലും നേതൃസംഗമം നടക്കും. സെക്രട്ടേറിയറ്റ് യോഗത്തില്‍ കുഞ്ഞാലന്‍ കുട്ടി ഫൈസി, വി.കെ ഹാറൂണ്‍ റശീദ് തിരുന്നാവായ, ഡോ.ജാബിര്‍ ഹുദവി, സുബൈര്‍ മാസ്റ്റര്‍ കുറ്റിക്കാട്ടൂര്‍, ആശിഖ് കുഴിപ്പുറം, ഹബീബ് ഫൈസി കോട്ടോപാടം, ഡോ.അബ്ദുല്‍ മജീദ് കൊടക്കാട്, ഫൈസല്‍ ഫൈസി മടവൂര്‍, അഹമ്മദ് ഫൈസി കക്കാട്, ആസിഫ് ദാരിമി പുളിക്കല്‍, ശുക്കൂര്‍ ഫൈസി കണ്ണൂര്‍, ഇഖ്ബാല്‍ മുസ്‌ലിയാര്‍ കൊടക്, ശഹീര്‍ ദേശമംഗലം, സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, നൗഫല്‍ വാകേരി, ഒ.പി.എം അശ്‌റഫ് കുറ്റിക്കടവ്, സിദ്ദീഖ് അസ്ഹരി പാത്തൂര്‍, ജലീല്‍ ഫൈസി അരിമ്പ്ര, ഫൈസല്‍ കങ്ങരപ്പടി, ഇസ്മാഈല്‍ യമാനി മംഗലാപുരം എന്നിവര്‍ സംബന്ധിച്ചു. ജന.സെക്രട്ടറി സത്താര്‍ പന്തലൂര്‍ സ്വാഗതവും റശീദ് ഫൈസി വെള്ളായിക്കോട് നന്ദിയും പറഞ്ഞു.