കണ്ണൂര്‍: പതിനഞ്ചു വര്‍ഷം പഴക്കമുള്ള ഡീസല്‍ വാഹനങ്ങള്‍ പിന്‍വലിക്കുന്നതിനും ബസ്‌ബോഡി നിര്‍മാണം ഉള്‍പ്പെടെ വാഹന റിപ്പയറിങ് കുത്തക കമ്പനികള്‍ക്ക് തീറെഴുതാനുള്ള കേന്ദ്ര സര്‍ക്കാര്‍ നയങ്ങള്‍ക്കെതിരേയും അസോസിയേഷന്‍ ഓഫ് ഓട്ടോമൊബൈല്‍ വര്‍ക്‌ഷോപ്‌സ് കേരളയുടെ നേതൃത്വത്തില്‍ ഉപരോധവും രാജ്ഭവന്‍ മാര്‍ച്ചും സംഘടിപ്പിക്കും. 18ന് രാവിലെ തിരുവനന്തപുരം ഒഴികെയുള്ള ജില്ലകളിലെ കേന്ദ്ര സര്‍ക്കാര്‍ ഓഫിസുകള്‍ ഉപരോധിക്കുകയും 19ന് രാജ്ഭവനിലേക്ക് മാര്‍ച്ചും ധര്‍ണയും സംഘടിപ്പിക്കുമെന്നും ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ജില്ലാ പ്രസിഡന്റ് രത്‌നാദാസ്, പ്രസീല്‍കുമാര്‍, ടി.ടി പത്മനാഭന്‍, പി.കെ അനില്‍കുമാര്‍, ഇ.വി ബാലകൃഷ്ണന്‍, കെ.എ ജോസഫ് പങ്കെടുത്തു.