ദാര്‍വാഡ്: നിര്‍മാണത്തിലിരിക്കെ തകര്‍ന്നുവീണ കെട്ടിടത്തിന്റെ അവശിഷ്ടങ്ങളില്‍നിന്ന് യുവാവ് വീണ്ടും ജീവിതത്തിലേക്ക്. നാല് ദിവസം മുന്‍പാണ് കെട്ടിടം തകര്‍ന്നുവീണത്. രക്ഷാ പ്രവര്‍ത്തനത്തില്‍ നിരവധിപേരെ രക്ഷപ്പെടുത്തി. അവശിഷ്ടങ്ങളില്‍ ഇനിയാരുമില്ലെന്ന് കണക്കുകൂട്ടി തിരച്ചില്‍ അവസാനിപ്പിക്കാനായിരുന്നു തീരുമാനം. എന്നാല്‍ അവസാന ദൗത്യമെന്ന നിലയില്‍ അവശിഷ്ടം നീക്കം ചെയ്തപ്പോഴാണ് യുവാവിനെ ജീവനോടെ കണ്ടെത്തിയത്. സംഗമേഷ് രാമനഗൗഡര്‍ എന്ന യുവാവിനെയാണ് രക്ഷപ്പെടുത്തിയത്. തന്നെ കൂടാതെ രണ്ടുപേര്‍കൂടി അവശിഷ്ടങ്ങളില്‍ അകപ്പെട്ടിട്ടുണ്ടെന്ന് ഇയാള്‍ വ്യക്തമാക്കിയ സാഹചര്യത്തില്‍ രക്ഷാപ്രവര്‍ത്തനം വീണ്ടും സജീവമാക്കിയിട്ടുണ്ട്.