കൊടവ കുടുംബങ്ങളുടെ ഹോക്കി മത്സരം ഇന്ന്
മടിക്കേരി: കുടക് ജില്ലയിലെ കൊടവ കുടുംബങ്ങള് തമ്മില് നടക്കുന്ന ഹോക്കി മത്സരം ഇന്ന് ആരംഭിക്കും. 306 കുടുംബങ്ങള് പങ്കെടുക്കുന്ന മത്സരം നാപോക്ലുവിനടുത്തു ചെറിയപറമ്പില് ജനറല് തിമ്മയ്യ സ്റ്റേഡിയത്തിലാണു നടക്കുക.
'ബിദ്ധാട്ടണ്ട കപ്പ് ഹോക്കി നമ്മെ 2017' എന്ന പേരിലാണ് മത്സരം നടക്കുന്നത്. കഴിഞ്ഞ വര്ഷം 299 കുടുംബങ്ങള് മത്സരത്തില് പങ്കെടുത്തിരുന്നു.
20 വര്ഷമായി നടന്നു വരുന്ന ഹോക്കി മത്സരം കൊടവ കുടുംബത്തിന്റ ആവേശവും ആഹ്ലാദവുമാണ്. കുട്ടികള് മുതല് വയോധികര് വരെ കളത്തിലിറങ്ങും. കൊടവ പാരമ്പ്യര വേഷവും ആചാരങ്ങളും കളിക്കളത്തിനു മാറ്റു കൂട്ടും.
കുടകിലെ കളിക്കാര്ക്കു പുറമെ അന്തര് ദേശീയ താരങ്ങളും പങ്കെടുക്കും.
ഇന്നു രാവിലെ 10.30ന് അഞ്ചപറവണ്ട ബി സുബ്ബയ്യ വിളക്ക് കൊളുത്തുന്നതോടെ മത്സരം ആരംഭിക്കും. വിവിധ രാഷ്ട്രീയ സാമൂഹിക നേതാക്കള് സംബന്ധിക്കും.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."